«Чекті талап ет – жүлдені ұтып ал!» Акциясы Қазақстан Республикасы Қаржы министрлігінің Мемлекеттік Кірістер Комитетінің мұрындық болып өткізіп отырған іс-шарасы.
Акцияның негізгі мақсаттары:
-тұрғындардың азаматтық белсенділігін арттыру және олардың салық сауаттылығын дамытуға ықпал ету;
-тұрғындармен ақшалай есеп айырысуды жүзеге асыру кезінде бақылау-кассалық машиналарды қолданудың әлеуметтік-экономикалық маңыздылығы туралы қоғамдық пікірді қалыптастыру;
-тауарларды, жұмыстарды, қызметтерді тұтынушылар ретінде сатып алу кезінде азаматтардың өз мүдделерін қорғау мәселері бойынша құқықтық мәдениетін тәрбиелеу;
-бақылау-кассалық машиналарды қолдану бойынша Қазақстан Республикасы заңнамасы талаптары туралы салық төлеушілерді және жұртшылықты хабардар ету;
— бақылау-кассалық машиналарды қолдану жолымен салықтөлеушілердің салық тәртібін арттыру арқылы бюджетке салық төлемдерінің түсімдерін ұлғайту;
-көлеңкелі экономиканың мөлшерін мейлінше қысқарту;
-кәсіпкерлер арасында адал бәсекелестікті ұстануға ынталандыру.
«Чекті талап ет – жүлдені ұтып ал!» Акциясына қатысу ережелері:
Тауарды немесе қызметті сатып алыңыз да Чекті талап етіңіз. Оны (чекті) ұялы телефонның «Таңдау» қосымшасына жүктеп, сақтаңыз. Ойынның барысын ұялы телефонның «Таңдау» қосымшасы арқылы бақылап жүріңіз.
Акцияның шарттары:
қатысушы тұлғаның жасы 18 –ден төмен болмауы керек;
-Акция 2019 жылдың 01 мамырынан тамыз айының 08 кезеңінде өткізіледі;
— Акция Қазақстан Республикасының барлық өңірінде өткізіледі;
-Акцияға қатысушы мәртебесін алу үшін Play Market немесе App Store-ға «Таңдау» қосымшасын жүктеп және орнату қажет;
-«Таңдау» қосымшасында тауарларды немесе қызметтерді сатып-алу кезінде берілген фискалдық чекті сақтау міндетті;
-Акцияның жеңімпазы кездейсоқ сандар генераторының көмегімен анықталады;
-Акцияға онлайн БҚМ (KKM) қолданумен шығарылған (берілген) фискалдық чектер қатысады;
-жеңімпаздарға жүлделерді беру ұтыс нәтижелері бойынша жеңімпазды анықталған сәттен бастап 30 күнтізбелік күн ішінде жүзеге асырылады.
Астана қаласы бойынша Мемлекеттік кірістер департаменті