2019 жылдың 18 сәуірі күні «Астана-жаңа қала» мемлекеттік кірістер басқармасында 2019 жылдың 01 қаңтарынан бастап Салық кодексіне «Астана-жаңа қала» Арнайы Экономикалық Аймағындағы тауарларға салық салу мәселелері туралы кіргізілген өзгерістер мен толықтыруларға қатысты арнайы экономикалық аймақта кәсіпкерлікпен айналысушы салық төлеушілермен ауқымды семинар өткізілді. Семинар барысында Қазақстан Республикасының Салық кодексінің 389 бабының 1 тармағына және 394 бабтың 43-1 тармағына кіргізілген өзгерістер мен толықтырулар туралы «Астана-жаңа қала» мемлекеттік кірістер басқармасы басшысының орынбасары Р.Э.Жүнісбекова сөз сөйлеп толық түсініктемелер берді.
Әсіресе салық төлеушілерді ерекше толғандырып жүрген, арнайы экономикалық аймақтарды құру мақсаттарына сай келетін қызметті жүзеге асыру кезінде толық тұтынылатын тауарларды арнайы экономикалық аймақтарды құру, олардың жұмыс істеуі және оларды тарату саласында мемлекеттік реттеуді жүзеге асыратын уәкілетті мемлекеттік орган уәкілетті органмен және салық саясаты саласындағы уәкілетті органмен келісу бойынша айқындаған тауарлар тізбесі бойынша арнайы экономикалық аймақтың аумағына өткізуге қосылған құн салығы нөлдік мөлшерлеме бойынша салынатыны ерекше аталып өтті.
Семинар соңында салық төлеушілердің жеке сұрақтарына мазмұнды жауаптар берілді.
Нұр-Сұлтан қаласы бойынша Мемлекеттік кірістер департаменті
Автор: Макажанова Меруерт